Observatorio Galego dos Medios de Comunicación

• Imprimir
• Enviar

Novas

UN SINAL VERDE, AMARELO OU VERMELLO ADVERTIRÁ O ESPECTADOR DE SE O PROGRAMA É APTO PARA RAPARIGOS

Novo código de regulamento para os menores

[22/07/2010] O Consello de Administración de RTVE aprobou onte o Código de Autorregulamento para a Defensa dos Dereitos dos Menores, que incrementa as franxas de protección establecidas na Lei xeral da comunicación audiovisual e ampla a programación familiar nas fins de semana e festivos.

Así, o código de autorregulamento, que afectará a TVE, RNE e RTVE.ES, ten en conta tanto os contidos que non poden ver os menores en televisión como o tratamento que reciben os nenos neses mesmos contidos. Para iso, a corporación incrementa as franxas de protección establecidas na Lei xeral da comunicación audiovisual e comprométese a emitir unha programación de carácter familiar entre as 16.00 e as 19.00 horas de sábados, domingos e festivos, días en que os menores pasan máis tempo ante a televisión ou o computador.

Ademais, nos distintos contidos que se emitan se establecen cinco clasificacións: especialmente recomendadas para a infancia, para todos os públicos, non recomendados para menores de sete anos, non recomendados para menores de trece anos e non recomendados para menores de 18 anos.

A devandita clasificación faise tendo en conta catro parámetros: comportamentos sociais, violencia, conflitividade e sexo. A clasificación dos programas terá unha advertencia óptica, en verde, amarelo e vermello, máis o tramo de idade ó que se refira, e outra acústica.

As normas do código aplicaranse tamén a autopromocións e avances de autopromoción emitidos en horario de protección infantil. A competencia para o seguimento do cumprimento do Código recae na Defensora do espectador, oínte e usuario de medios interactivos.

Ademais, o Consello de Administración de RTVE aprobou unha resolución para revisar o acordo para reducir as retribucións dos mandos directivos da casa. Neste debate, o presidente da Corporación RTVE, Alberto Oliart, e algún dos membros do Consello de Administración mantiveron un "forte enfrontamento" sobre as retribucións, e finalemnte aprobouse reducir do organigrama directivo.

Berros e fortes discusións

Na discusión sobre a retribución dos directivos chegaron a producirse "berros" xa que "Oliart non era partidario de entregarlles ós membros do Consello a contía das retribucións que perciben os directivos xa que "non estaba garantida a confidencialidade". Todo este tirapuxa provocou que fose "unha das reunións máis tensas dos Consellos de Administración" celebrados desde a dirección de Oliart, explicaron fontes que estiveron presentes.

EP
MADRID